Qungujulanerup tunuani

Grønlandsk udgave af Bag smilet.

Uinnanga nikinnangalu sinittuusaarlunga eqqumanera paasitinnaveersaarlugu anersaartorunnaarpunga. Misigissutsima malugissutsimalu timima matussallugit ilikkareernikuummagit sequnngeqqaninni timera qimattuusillugu malulugisaaruppunga. Suna tamarmi taartuinnaasoq imminut kisimeeqatigisutut ilerpunga, malugisinnaanngilarami tusaasinnaanagulu uuma angutip inersimasup kinguaassiutitigut attuualaarmanga. Natermi madrassimi innangavunga, timima qimattuusinera uummatiga tusaasinnaasara kisiat aapparalugu malugisinnaavara sukkasuupilussuulluni ingerlaarpaluttoq, soorlu kassunnera nipittoraluttuinnartoq.

Qungujulanerup tunuani qulaarinninneruvoq, susoqartarneranik – meeqqat kinguaassiutitigut atornerlugaanermik eqqugaangaangata. Lailap nammineq oqaluttuassartani oqaluttuaraa, saqqummersillugulu nunatsinni paqumiginartutut inissisimasoq samminiarlugu. Atuagaq tamanut isinik ammaasuuvoq, eqqungaanikunik suliaqartartunut – ilaqutaasunullu. Assigusumillu misigisaqarsimasunut imminut takunarsinnaalluni. Laila ullumikkut 45-nik ukioqarpoq Ilulissanilu najugaqarluni, inuunerissaartuuvoq, meeraagallaramilu inersimasoq amingaatigisimasani nammineq inersimasutut ilungersorluni anguniartuarpaa.